*श्री तुलसी मानस प्रतिष्ठान छत्तीसगढ़ के प्रदेश अध्यक्ष श्री जगदीश प्रसाद देशमुख जी के द्वारा प्रांतीय उपाध्यक्ष संगीतज्ञ- श्याम कुमार चन्द्रा ला बिलासपुर संभाग के अध्यक्ष पद के जिम्मेदारी सौंपे गीस हे। “*
Listen to this article*श्री तुलसी मानस प्रतिष्ठान छत्तीसगढ़ के प्रदेश अध्यक्ष श्री जगदीश प्रसाद देशमुख जी के द्वारा प्रांतीय उपाध्यक्ष संगीतज्ञ- श्याम कुमार चन्द्रा ला बिलासपुर संभाग के अध्यक्ष पद के जिम्मेदारी सौंपे गीस हे। “*
*” संभागीय अध्यक्ष संगीतज्ञ- श्री श्याम कुमार चन्द्रा जी हा सबले पहली 03 दिसम्बर के सक्ती जिला के विकासखंड सक्ती, डभरा, मालखरौदा अऊ जैजैपुर के कला विकास अध्यक्ष मन के नियुक्त करके पदभार अऊ जिम्मेदारी सौंपीन हें।*
*”प्रदेश के अध्यक्ष श्री जगदीश प्रसाद देशमुख जी हा सक्ती जिला के पहिली नवनियुक्त कला विकास अध्यक्ष मन ला संगठन के बने सफलता खातिर हिरदय ले आशीर्वचन घले भेजिन हें!”*
हमर छत्तीसगढ़ न्यूज नारायण राठौर
*सक्ती छत्तीसगढ़* :– भारतीय कला संस्कृति के संरक्षण-संवर्धन अऊ सांस्कृतिक विकास के उद्देश्य खातिर स्थापित “श्री तुलसी मानस प्रतिष्ठान” छत्तीसगढ़ के प्रदेशाध्यक्ष श्री जगदीश प्रसाद देशमुख जी हा प्रदेश के वरिष्ठ उपाध्यक्ष संगीतज्ञ- श्री श्याम कुमार चन्द्रा जी ला बिलासपुर संभाग के संभागीय अध्यक्ष मनोनीत करींन हें, तेकर बाद संगीतज्ञ- श्री श्याम कुमार चन्द्रा जी हा सबले पहिली सक्ती जिला म संगठन के शुरुआत करत सक्ती जिला के सबो विकासखंडों म कला विकास अध्यक्ष मन के मनोनीत करके संगठन के जिम्मेदारी सौपिन हें।
संगीतज्ञ श्री चन्द्रा जी हा बताईन के भारतीय कला संस्कृति के उत्थान के खातिर स्थापित ये प्रदेश स्तरीय “श्री तुलसी मानस प्रतिष्ठान” छत्तीसगढ़ म सबले पहिली सक्ती जिला के सबो जनपद पंचायत म सबे नशामुक्त अऊ शुद्ध शाकाहारी सादा जीवन उच्च विचार रखइया सक्रिय अऊ कर्मठ समाज सेवी युवा कार्यकर्ता मन ला कला विकास अध्यक्ष पद म मनोनीत करके संगठन के जिम्मेदारी सौंपिन हें।
संगीतज्ञ- श्री चन्द्रा जी हा बताईन हें के ये संगठन के सब ले पहिली सक्ती जिला ले शुरूवात करके सक्ती विकासखंड ले कला विकास अध्यक्ष सुश्री ओम् कुमारी चन्द्रा (ग्राम जामपाली), डभरा विकासखंड के श्रीमती कविता कर्ष (ग्राम रेड़ा), मालखरौदा के कला विकास अध्यक्ष श्री गोकुल सिंह चन्द्रा (ग्राम भठोरा) ला अऊ जैजैपुर विकासखंड के श्री प्रहलाद कुमार चन्द्रा ला मनोनीत करके संगठन के जिम्मेदारी सौंपिन हें।
संगीतज्ञ- श्री चन्द्रा जी हा बताइन के बिलासपुर संभाग के अन्य जिला म जैइसे जिला बिलासपुर, रायगढ़, कोरबा, जांजगीर-चांपा, सारंगढ़-बिलाईगढ, मुंगेली अऊ गौरला-पेंड्रा-मरवाही जिला म घलो येही संगठन के बूता ला जल्दी शुरुआत करे जाही।
संगीत गुरूजी हा बताईन के ये संगठन म बने सक्रिय युवा भाई बहिनी मन शामिल होके सहयोग देहे खातिर हमर मोबाइल नंबर” – 79994 51129. म बात कर सकत हें, येही संदेश के संगे- संग श्री द्वारिका प्रसाद बरेठ (ग्राम पंचायत बरभाॅ॑ठा) ला पांच ठन ग्राम पंचायत (ग्राम बरभाॅ॑ठा, घोघरी, नावापारा, खेमड़ा अऊ खोंधर) के जोन प्रभारी मनोनीत करके जिम्मेदारी सौंपिन हें अऊ ये संगठन के प्रदेश भर म बने प्रचार- प्रसार करे खातिर हमर छत्तीसगढ़ समाचार के मुख्य सम्पादक श्री नारायण प्रसाद राठौर जी ला मीडिया प्रभारी मनोनीत करके जिम्मेदारी सौंपिन हें।
धियान रहय के ये “श्री तुलसी मानस प्रतिष्ठान छत्तीसगढ़” के पंजीयन नियम के अनुसार प्रदेश के महामहिम राज्यपाल जी, माननीय मुख्यमंत्री जी अऊ प्रदेश के सबोझन साधु संत अऊ महंत मन के संगे संग पहिले के जून्ना सांसद आद. मोहन मंडावी जी घले मुख्य संरक्षक हावंय।
