*छत्तीसगढ़ के प्रथम व पूर्व मुख्यमंत्री अजीत प्रमोद कुमार जोगी के जीवन परिचय को संकलित कर एक संक्षिप्त जीवनी चिन्हारी गीत के रूप में रचना*
*छत्तीसगढ़ के प्रथम व पूर्व मुख्यमंत्री अजीत प्रमोद कुमार जोगी के जीवन परिचय को संकलित कर एक संक्षिप्त जीवनी चिन्हारी गीत के रूप में रचना*
हमर छत्तीसगढ़ न्यूज नारायण राठौर
*भारतीय कला संस्कृति के संरक्षण-संवर्धन एवं सांस्कृतिक विकास कार्य हेतु स्थापित श्याम संगीत सृजन संस्थान सक्ती के संस्थापक व अध्यक्ष संगीतज्ञ- श्याम कुमार चन्द्रा जी द्वारा सम्पादित हिन्दुस्तानी शास्त्रीय संगीत से संबंधित “सुर लय ताल” पुस्तक में शामिल करने के लिए छत्तीसगढ़ के प्रथम व पूर्व मुख्यमंत्री माननीय स्व. श्री अजीत प्रमोद कुमार जोगी जी के जीवन परिचय को संकलित कर एक संक्षिप्त जीवनी चिन्हारी गीत के रूप में रचना की गई है, वह इस प्रकार है –*
*स्व. श्री अजीत प्रमोद कुमार जोगी जी की*
(जीवनी चिन्हारी गीत)
छत्तीसगढ़ मं सबले पहिली, कंग्रेसिया
मुखिया सरकार।
सोनिया गांधी के किरपा मं, श्री अजीत जोगी पदभार।।
मध्यप्रदेश के मुखिया नेता, श्री अर्जुन सिंह गुरु चिन्हार।
राजीव गांधी के संग मिलके, होगे कंग्रेसिया गोतिहार।।
जनम तिथि ओन्तीस अप्रेल हे, सन् ओन्नीस सौ छियालीस हे।
जनम भूमि हे जोगी डोंगरी, गौरेला मरवाही हे।।
पिताश्री के.पी. जोगी जी, कुल मुखिया जोगी सरदार।
माता श्रीमति कांति मणि जी, दूनों झन जोगी परिवार।।
पेण्ड्रा रोड मिशन स्कूल ले, कक्षा बारवीं पास हे।
लइकाई ले बने पढ़ोइया, येही चिन्हारी खास हे।।
टेक्निकल भोपाल काॅलेज ले, इंजीनियर पहिचान हे।
आईपीएस आईएएस, उच्च शिक्षा बरदान हे।।
प्रशासनिक सेवा हे तूंहर, गौरवशाली बने बिसाल।
बड़े चिन्हारी रहेव कलेक्टर, सबो मिलाके बारा साल।।
राजनीति मं राज करे बर, सरकारी पद छोड़ के।
इंदिरा राष्ट्रीय कांग्रेस मं, मिले सदस्यता जोड़ के।।
राज्यसभा मं सदस्य बनके, कांग्रेस दल मं बने चिन्हार।
रायगढ़ क्षेत्र ले सांसद बनके, कांग्रेस के भारी परचार।।
सोनिया गांधी के किरपा ले, मिले बड़े बरदान हे।
छत्तीसगढ़ के पहिली मुखिया, ईहां बने पहिचान हे।।
सन् 2000 ले 2003 तक, तीन साल मुखिया सरकार।
पत्नी श्रीमती रेणु जोगी, बेटा अमित जोगी हुशियार।।
श्याम संगीत सृजन संस्थान के, बने बनाये हौ आधार।
‘श्याम चन्द्रा’ सक्ती ले कहिथे, ‘सुर लय ताल’ हे सुर के धार।।
*रचनाकार –*
संगीतज्ञ- श्याम कुमार चन्द्रा
रेलवे काॅलोनी सक्ती, छत्तीसगढ़
मो.नं.- 79994 51129.
